MABADILIKO YA SHERIA ZA MCHEZO WA MPIRA WA KIKAPU-2014

BAREDA inajulisha wadau wote kutambua si sheria zote za mchezo wa mpira wa kikapu zilizobadilishwa, watambue kuwa ni marekebisho Machache yasiozidi Matano yenye uhusiano wa moja kwa moja na yanayoweza kuleta athari kwa Teams zinapokuwa mchezoni.

Marekebisho mengine ni ya kiutawala hasa kwa waamuzi na hayana athari kwa Teams zinapocheza mfano Signalling-namna ya kuripoti kwa kutumia ishara, na matumizi ya Video Replay system kwenye maamuzi bahati mbaya kwenye Ligi zetu Mfumo huu bado Haujaanza kutumika. Furaha zaidi ni kwa wachezaji wanaopenda kuvaa jezi namba zozote ila iwe kati ya 0, 00  hadi  99 ruksa.

BAREDA imejaribu kueleza Pia sababu kwa nini yalifanyika marekebisho ya sheria/articles hizo.

Pakua taarifa hiyo HAPA

Zimeambatanishwa kwa lugha ya kiingereza kulinda Content/Maana isiharibike, Endapo wadau watahitaji zitazifafanuliwa kwa Lugha yetu ya Taifa Kiswahili.

Gosbert
Mwenyekiti BAREDA

Read More

MABADILIKO YA RATIBA SIKU YA IJUMAA TAREHE 31/10/2014

Chama cha Mpira wa Kikapu Mkoa wa Dar Es Salaam kinapenda kutangaza mabadiliko madogo ya Ratiba siku ya Ijumaa tarehe 31/10/2014 ambayo yameangalia nafasi za kila timu kuweza kupata muda wa kuonekana live kama sehemu ya kuutangaza mchezo kwa kuonyesha michezo tofauti yenye viwango na msisimko tofauti ili kuongeza hamasa na msisimko kwa watazamaji watakao angalia moja kwa moja kupitia Television ya AZAM TV.

Hivyo kutokana na mabadiliko haya michezo ifuatayo itachezwa siku ya ijumaa na jumamosi.

Ijumaa - 31/10/2014

1800hrs - JKT Stars vs DB Lioness

2000hrs - TZ Prisons vs JOGOO

Jumamosi - 1/11/2014

1600hrs - Oilers vs CHUI

Vilabu vitakavyo guswa na mabadiliko haya vinaombwa kuzingatia mabadiliko husika.

Imetolewa na Kurugenzi Ufundi

Jimmy D. Nkongo

Read More

TAMKO LA BAREDA/OFFICIAL STATEMENT

BAREDA inaandaa ripoti ya Mashindano (AZAM RBA LEAGUE 2014/15 REVIEW REPORT-FIRST ROUND) ambayo itatoa taarifa za kina na zisizo na upendeleo kwa upande wowote kwa mambo mbali mbali yaliyojitokeza, Changamoto, na Way forward, Hasa kwa Upande wa Officiating/Referee na kuikabidhi kwa Mkurugenzi Mtendaji BD.

BAREDA inawapongeza Waamuzi kwa kazi nzuri pia kuwa makini , watulivu na inapobidi kuwa kimya kwani Maadili ya uamuzi (Official Ethics ) yanatuhitaji kuwa hivyo,  Pamoja na mazingira magumu itaendelea na tabia hii na kutoa ushirikiano mzuri na wa kiwango cha juu kwa wadau wote wa mchezo wa kikapu.

BAREDA inawashukuru baadhi ya makocha na wadau wengi  wanaotoa ushirikiano mzuri kwa waamuzi na mawazo mazuri wanayoleta kuhusu Uboreshaji, pia na wao Kupokea maoni yetu kuhusu tafsiri mbali mbali za sheria  za mchezo, tunajisikia Faraja sana kuona Mnafanyia kazi Ushauri wetu, Ushirikiano huu mzuri wa kujadili mambo uendelee pia katika mzunguko wa pili.

Tunatanguliza Shukurani zetu,

WE ARE BASKETBALL

Gosbert.
M/KITI- BAREDA

Read More

Semina ya siku moja juu ya sheria mpya za kikapu 2014

Shirikisho la Mpira wa Kikapu Tanzania (TBF) kupitia kamisheni zake za Ufundi na Uendeshaji Mashindano na Waamuzi linapenda kukutaarifu kuwa  limeanda semina ya siku1 kama ilivyoelezwa hapo juu.

Semina hii ni kwa ajili ya waamuzi wote wa DSM,Waalimu wa Timu,wachezaji na Viongozi wote wa Vilabu DSM itafanyika TAR:31/10/2014 SAA 6 MCHANA UWAJA WA TAIFA WA NDANI.Lengo kama chama kilicho na Dhamana ya kusimamia mchezo wa Mpira wa Kikapu nchini kinatakiwa kuzitafasiri na kuruhusu kuanza kuzitumi rasmi sheria hizi mpya katika raundi ya pili ya ligi ya AZAM-BD  na Taifa cup 2014/November - Dodoma

Nimatarajio ya chama utashirikiana nasi katka kuendeleza Mpira wa Kikapu Tanzania.Pia chama baada ya kuona malalamiko mengi kwa uchezeshaji wa waamuzi kitakaa kupitia wajumbe wake wa kamisheni hizi 2 kuona jinsi watakavyo andaa muharubaini wa tatizo hili na kulipatia ufumbuzi wa haraka.

Taarifa hizi zimetolewa kwenu na:-

Manasseh Zablon Mghamba                                         
Kaimu Kamishna wa waamuzi (TBF)
Kamishina wa Ufundi na Uendeshaji Mashindano (TBF)
0787/0712 1937 66/0754 26 3615.

Nakala:BMT,PATRON TBF,VILABU VYOTE BD

Read More

Taarifa za Mkutano na Wadau (Waamuzi,Viongozi wa Vilabu na Ma-Kaptain) - Alhamisi 16 Oktoba 2014

Basketball Dar Es Salaam (BD) inapenda kuwataarifu wadau ambao ni Waamuzi wote wa mchezo wa Mpira wa Kikapu,Viongozi wa Vilabu na Ma-Captains wote kuwa kutakuwa na mkutano siku ya alhamisi tarehe 16 Oktoba 2014 Don Bosco Upanga kujadili maendeleo ya ligi pamoja  na changamoto zake.

Mkutano huu utaanza rasmi saa 1700hrs (Kumi na moja jioni) hivyo sote tunashauriwa kuhudhuria bila kukosa ili mawazo na mapendekezo yetu sote kwa pamoja yajadiliwe na hatimaye kufanyiwa kazi.

Upatapo taarifa hizi mjulishe na mwamuzi,kiongozi au Captain mwenzako.

Taarifa hii imetolewa na :-

Kaimu Mkurugenzi Mtendaji

Read More

Miaka 15 ya kumbukumbu ya kifo cha Baba wa Taifa Letu

Baba wa Taifa Mwl.Julius K. Nyerere inasemekana alipenda sana Mchezo wa mpira wa Kikapu (Basketball) yeye pamoja na Raisi wetu wa sasa Mh. Dkt. Jakaya M. Kikwete wakifurahia jambo kwenye uzinduzi wa ligi ya SUPER CUP.

Hivyo basi mwaka huu (2014) kama sehemu ya maadhimisho ya miaka 15 ya kumbumbu ya kifo chake.

Tanzania Basketball Federation (TBF) iliandaa shindano la kuenzi mchango wake kwenye maendeleo ya Taifa letu.Mshindi wa shindano hilo atazawadiwa zawadi ya kombe lililotolewa na mjumbe wa NEC kupitia Chama Cha Mapinduzi (CCM) Bw. Phares Magessa kwa mujibu wa maelezo yaliyo tolewa na Katibu Mkuu wa TBF,Bw. Saleh Zonga.

Shindano hilo limeshafanyika mjini Musoma kwa timu ya JKT kutwaa taji la ubingwa baada ya kuzishinda timu zote zilizo shiriki shindano hilo ambazo ni Profile - Mwanza,Mwembeni 1 & 2 ,Makoko - Musoma.

Read More

Mabadiliko ya Ratiba - AZAM BD LEAGUE

Taarifa kwa wadau (Vilabu,Mashabiki na Vyombo vya habari)

Kutokana na sababu zilizo nje ya uwezo wetu.ligi yetu ya Mpira wa Kikapu (AZAM BD League) imefanyiwa mabadiliko ya kiufundi kwenye ratiba yake kupitia michezo ifuatayo:-

Tarehe 18 Oktoba 2014  - Jumamosi
34 - 1200hrs  - VIJANA QUEENS VS TZ PRISON - Umeahirishwa (TZ Prison watukuwa safarini)
35 - 1400hrs  - KURASINI HEAT VS DB OYSTER BAY - (Pazi vs JKT umesogezwa mbele)

Tarehe 19 Oktoba 2014 - Jumapili
37 - 1000hrs  - DB LIONESS VS JESHI STARS -  (CARGO Ladies hawashiriki kwenye Ligi)
40 - 1600hrs  - PAZI VS JKT - (Kurasini Heat vs DB Oyster Bay umerudishwa nyuma)

Tarehe 25 Oktoba 2014  - Jumamosi
44 - 1200hrs  - PAZI VS MGULANI - (TZ Prison Wanawake watukwa safarini)
45 - 1400hrs  - JKT VS VIJANA - (CARGO Ladies hawashiriki kwenye Ligi)

Hivyo kutokana na mabadiliko hayo sasa ratiba itasomeka kama ifuatavyo BOFYA HAPA

Taarifa hii imeletwa kwenu na
KURUGENZI ya UFUNDI

Read More

Matokeo ya Ligi AZAM-BD kwa juma la tatu

Timu ya Chang'ombe wakipokea maelekezo

Ligi ya Mpira wa Kikapu inayo ratibiwa na Chama cha Mpira huo jijini Dar Es Salaam imeendelea tena wiki hii kwa michezo kati ya Jeshi Stars na JKT Stars ambapo timu ya Jeshi Stars iliibuka na ushindi wa vikapu 66-63 na Mchezo wa pili ulikuwa kati ya Vijana Queens na DB Lioness ambapo DB Lioness waliibuka washindi kwa jumla ya vikapu 68 -33 vya Vijana Queens.

Wachezaji wakipeana maelekezo

Siku ya Jumamosi ligi iliendelea kwa michezo miwili ambayo ni Chang'ombe na Jogoo ambapo Jogoo waliibuka washindi kwa jumla ya vikapu 80-47,DB Oysterbay Young Stars walipimana ubavu na Timu ya Jeshi la Magereza na Magereza kuibuka washindi kwa jumla ya vikapu 71-61 vya DB Young Stars.

Kocha aifanya interview

Siku ya Jumapili ligi ya mpira wa kikapu iliendelea kwa michezo mitatu ambayo ilikuwa ni kati ya Chang'ombe United na Kurasini Heats timu zote zikitokea wilaya ya Temeke kwa Kurasini Heats kuibuka na ushindi wa vikapu 57-53 vya Chang'ombe,Mchezo mwingine ulizikutanisha timu machachari nazo zikitokea wilaya moja ya Kinondoni (Kama zilivyokutana kwenye fainali ya mchezo huo ngazi ya wilaya) kati ya PAZI na CHUI ambapo hadi mwisho wa Mchezo PAZI iliibuka kifua mbele kwa ushindi wa vikapu 72-60 vya Chui,Mchezo mwingine ulizikutanisha OILERS na timu ya VIJANA na VIJANA kufanikiwa kuifunga OILERS kwa jumla ya vikapu 57-45.

Read More

Matokeo ya Ligi AZAM-BD kwa juma la pili

 Ligi ya Mpira wa Kikapu inayo ratibiwa na Chama cha Mpira huo jijini Dar Es Salaam imeendelea tena wiki hii kwa michezo kati ya Vijana na Mgulani ambapo timu ya Mgulani JKT iliibuka na vikapu 57-46 na Mchezo wa pili ulikuwa kati ya Jogoo na DB Young Stars ambapo DB Young Stars waliibuka washindi kwa jumla ya vikapu 75-73 vya Jogoo.

Siku ya Jumamosi ligi iliendelea kwa michezo minne ambayo ni Chang'ombe na Pazi ambapo PAZI ambao ni mabingwa wa wilaya ya Kindononi waliibuka washindi kwa jumla ya vikapu 66-57,Oilers walipimana ubavu na Timu ya Savio (ambao ni mabingwa wa wilaya ya Ilala) na SAVIO kuibuka washindi kwa jumla ya vikapu 64-63 vya Oilers,Mchezo mwingine ulikuwa ni mchezo wa wanawake kati ya Timu ya Jeshi Stars dhidi ya Vijana Queens ambapo Jeshi Stars walishinda kwa vikapu 67-35 na mchezo wa mwisho siku ya Jumamosi ulikuwa kati ya Timu ya Magereza iliyo chuana vikali na Timu ya JKT (Mabingwa wa Taifa) ambapo JKT waliweza kudhihirisha ubabe wao kwa ushindi wa vikapu 67-43.

Siku ya Jumapili ligi ya mpira wa kikapu iliendelea kwa michezo minne ambayo ilikuwa ni kati ya Vijana na Jogoo timu zote zikitokea kwenye Klabu Moja kwa Vijana kuibuka na ushindi wa vikapu  68-65,Mchezo mwingine ulizikutanisha timu machachari na ndio zilizo panda daraja kwa mara ya kwanza kushiriki kwenye ligi hii ya Mkoa wa Dar Es Salaam ijulikanayo kama AZAM -BD League,ulikuwa ni kati ya Mgulani JKT na Don Bosco Young Stars ambapo hadi mwisho wa Mchezo DB Young Stars iliibuka kifua mbele kwa ushindi wa vikapu 58-56,Mchezo mwingine ulizikutanisha PAZI na timu ya Magereza na PAZI kufanikiwa kuifunga Magereza jumla ya vikapu 73-40,Mchezo wa Mwisho ulikuwa kati ya Chang'ombe na JKT ambapo timu ya JKT iliendeleza ubabe wake kwa kuifunga bila huruma timu ya Chang'ombe United kwa jumla ya vikapu 92-38

Read More